दाङ, बैशाख २ । नयाँशक्ति नेपाल तुलसीपुर उपमहानगरपालिकाको बैठक शनिबार भएको छ । तुलसीपुर सहसंयोजक मोहनसिंह वलीको अध्यक्षता तथा नयाँशक्ति दाङका संयोजक नारायण भट्टराईको प्रमुख आतिथ्यतामा बैठक भएको हो ।

बैठकले तुलसीपुर हाल बसपार्कमा रहेको कार्यालयलाई तुलसीपुरको ‘घ’ लाइनमा सोर्न निर्णय गरेको छ । त्यस्तै चुनावलाई लक्षित गरी मोहन सिंह वलीको अध्यक्षतामा ३७ सदस्यीय प्रचारप्रसार समिति गठन गरेको छ  । साथै स्थानीय तहको निर्वाचनमा तुलसीपुरबाट बैशाख १० गतेभित्रै उम्मेदवारको टुंगो लगाई सक्ने निर्णय समेत गरेको छ । बैठकले तुलसीपुर उपमहानगरपालिकाको पार्टी प्रतिनिधिमा जिल्ला सदस्य सुरेन्द्र प्रकाश चन्दलाई पठाउने निर्णय समेत गरेको छ ।