देउवाले नयाँ मापदण्ड बनाएपछि सरकारमा मन्त्री बन्नेहरु पार्टी पदाधिकारीमा मनोनयन नहुने भएका छन् । यसबाट पदाधिकारी मनोनयन गर्न ढिलाई गरिरहेका सभापति देउवालाई केन्द्रीय सदस्य तथा पदाधिकारी मनोनयन गर्न सहज हुने भएको छ । उनले केन्द्रीय सदस्यमा आकांक्षा राख्दै आएका केही नेतालाई मन्त्री बनाएर चित्त बुझाउने भएका छन् । मन्त्री भएका व्यक्ति केन्द्रीय सदस्यमा समेत मनोनीत हुन नपाउने भएका छन् ।
सरकारमा कांग्रसको नेतृत्व गर्दे विमलेन्द्र निधि जाने भएका छन् । उनी उपप्रधानमन्त्रीसहित पार्टीबाट नेतृत्व गरेर गएमा उपसभापति बन्न पाउनेछैनन् । सरकामा निधि उपप्रधानमन्त्री हुने चर्चा छ ।
नयाँ मापदण्डपछि भने उनले केही निर्णय लिइसकेका छैनन् । कांग्रेस – माओवादी गठबन्धन निर्माणमा निधि र रमेश लेखकले प्रमुख भुमिका खेलेका थिए । निधि सरकारमा गए खुमबहादुर खड्का या गोपालमान श्रेष्ठमध्ये एकलाई उपसभापति बनाउन देउवालाई बाटो खुल्नेछ । राजधानी दैनिकमा खबर छापिएको छ ।
