बुधबार साँझ राष्ट्रपति भवन शीनल निवास पुगी ओलीले राष्ट्रपतिलाई विकसित घटनाक्रमबारे जानकारी गराएका हुन् ।
सत्तासाझेदार नेकपा माओवादी केन्द्रले सरकारलाई दिएको समर्थन फिर्ता लिई व्यवस्थापिका संसदमा अविश्वासको प्रस्तावसमेत दर्ता गरेपछि प्रधानमन्त्रीले राष्ट्रपतिलाई जानकारी गराएको प्रधानमन्त्री कार्यालयले जनाएको छ ।
राष्ट्रपतिसँगको भेटमा प्रधानमन्त्री ओलीले सरकार ढाल्नका लागि भएको लामो ऋंखलाबारेसमेत जानकारी गराएको स्रोतको भनाइ छ ।
प्रधानमन्त्रीसँगको परामर्शमा राष्ट्रपति भण्डारीले दलहरु मिलेर अघि बढ्नुपर्ने आवश्यकता औंल्याउँदै संविधान कार्यान्यवनमा सबैको ध्यान केन्द्रित हुनुपर्ने सुझाव दिएकी छन् ।
राजधानी दैनिकबाट
