मृत्यु हुने कामदार त्रिशक्ति नगरपालिका–१ भजनी कैलालीका २१ वर्षीय अनिल चौधरी रहेका छन् ।
प्रतिष्ठानको भवन निर्माणको सिलसिलामा मङ्गलबार बिहान ८ः३० बजे उनी चिप्लिएर १४ मिटर तल भुइँमा खसेका थिए । भुइँमा खसेका उनी सख्त घाइते भएपछि उनलाई प्रतिष्ठानमा उपचार गरिएको थियो ।
उपचारको क्रममा बेलुका ६ः३० बजे चौधरीको मृत्यु भएको जिल्ला प्रहरी कार्यालय जुम्लाका प्रहरी नायब निरीक्षक प्रेमप्रसाद रेग्मीले जानकारी दिनुभयो ।
मृतक चौधरीको मृत्युबारे घर परिवारलाई जानकारी गराई सकिएकाले परिवारका सदस्य नेपालगन्ज आइपुगेका शर्मा, प्रेरा, रसुवा जेभीका प्रोजेक्ट म्यानेजर डिल्लीप्रसाद ढकालले जानकारी दिनुभयो ।
चौधरीको शव उनकै गृह जिल्लामा पु¥याउन हवाईजहाज चार्टरको तयारी भएको म्यानेजर ढकालले बताउनुभयो । उहाँका अनुसार मृतक चौधरीको रु तीन लाख बिमा घरपरिवारलाई उपलब्ध गराइनेछ । ज्यान गुमाएका चौधरी डेढ महिनादेखि यहाँ काम गर्दै आएको जनाइएको छ ।
