यस वर्षको पूजा तथा मेला एकादशीदेखि सुरु भएको छ । राप्तीकै प्रशिद्ध एवं पर्यटकीय मन्दिर भएकाले पनि पाँच दिनसम्म पूजा तथा मेला लाग्ने डिग्रेशाईकुमारी मन्दिर व्यवस्थापन समितिका अध्यक्ष लालबहादुर केसीले बताउनुभयो । उक्त मन्दिरमा पूजा गर्नाले मनले चिताएको आकांक्षा पुरा हुने र निसन्तानहरुले समेत सन्तानका लागि वरदान माग्ने र त्यो पुरा हुने धार्मिक विश्वास रही आएको अध्यक्ष केसीले बताउनुभयो । उक्त मन्दिरमा पूजापाठ, आराधना, बोकाको वली चढाउने, प्रसिद्ध शंकाल नाच प्रदर्शन गर्ने, मयुर नाच प्रदर्शन, स्थानीय कृषि उपज फलफूलहरु बिक्री बितरण गर्ने, रोटेपिङ खेल्ने जस्ता विभिन्न साँस्कृतिक कार्यक्रमहरु हुने गर्दछन् ।
उक्त मन्दिरमा पूजापाठ गर्न एवं मेला भर्न रुकुम जिल्लाका साथै राप्तीका पाँचै जिल्ला, दाङ, बाँके, वर्दिया, जाजरकोट, डोल्पा, पाल्पा, सुर्खेत र भारतदेखि समेत श्रद्धालु भक्तजनहरु आउने गरेका छन् । उक्त मन्दिरमा आई पूजापाठ गर्न एवं मनको कामना पुरा गर्न सबै श्रद्धालु भक्तजनहरुलाई सचिव कुमार केसीले आमन्त्रण गर्नुभयो ।
