मंगलार साँझ ६ बजे पार्टीको स्थायी कमिटीको बैठक बोलाइएको एमाले सचिव योगेश भट्टराईले जानकारी दिनुभयो । माओवादीले गरेको यो निर्णय एकदमै गलत हो । यो विषयमा आज बेलुकी ६ बजे हामीले स्थायी समितिको बैठक बस्दैछौं बैठकले यस विषयमा धारणा बनाउनेछु एमाले सचिव योगेश भट्टराईले भन्नुभयो ।
माओवादीले सरकारबाट समर्थन फिर्ता लिएपछि एमालेसँग सरकार बचाउन संसदमा बहुमत पुर्याउनुपर्छ। स्थायी कमिटीको बैठकमा एमालेले चाल्नुपर्ने कदमको विषयमा छलफल हुने सचिव भट्टराईले बताउनुभयो । माओवादीले आफ्नो निर्णयका सन्दर्भमा पुनर्विचार गर्नुपर्ने र यही समिकरणलाई नै निरन्तरता दिनुपर्ने उहाँले बताउनुभयो । भट्टराईले माओवादीका चित्त नबुझेका कुरामा बसेर छलफल गर्नुपर्ने समेत बताउनुभयो ।
