पुलिसका अनुसार पहेंलो रंगको बेलुनमा कागजको एक टुक्रामा मोदीको लागि सन्देश लेखेर टाँसिएको छ । उर्दूमा लेखिएको उक्त सन्देशले भन्छ, ‘मोदीजी अयूबीको तरबार अहिलेसम्म पनि हामी सँगै छ । इस्लाम जिन्दावाद ।’
स्रोतका अनुसार उक्त बेलुनलाई पहिलो पटक स्थानीय एक व्यक्तिले आफ्नो घर नजिकै देखे । जब उनले उर्दूमा सन्देश देखे, तब उक्त बेलुनबारे पुलिसलाई जानकारी दिए । यद्यपी, दीनानगरमा यस्तो प्रकारको बेलुन सन्देश पाइएको यो पहिलो घटना भने होइन । गत जुलाईमा पुलिसले दीनानगर नजिकैको झाण्डे चाक गाउँमा यस्तै प्रकारको बेलुन भेटेको थियो जसमा पाकिस्तानको झण्डामाथि लेखिएको थियो, ‘आइ लभ पाकिस्तान’ ।
