प्रचार प्रसारमा हिडेको टोलीमाथि चार जनाको समुहले आईतबार बसपार्कबाट हातपात गर्नुका साथै प्रचार सामाग्रि लुटेर लगेका छन् । हिजो दिउसो ११ बजे तिर नयाँ शक्ति दाङका संयोजक नारायण भट्टराई, तुलसीपुर उपमेयरका उम्मेदवार शान्ता रिजाल, तुलसीपुर महानगरपालिकाका संयोजक मोहन सिंह वली, तुलसीपुर उपमहानगरपालिकाका संयोजक तथा वडा अध्यक्षका उम्मेदवार सुरेन्द्र प्रकाश चन्दलगायतको समुहलाई हातपात गरेको संयोजक भट्टराईले जानकारी दिए ।
संयोजक भट्टराईका अनुसार आफुहरुलाई बिप्लप समुह बताउने समुहले आफुहरुमा माथि अभ्रद ब्यबहार गरेको बताए । यसैबीच नयाँ शक्ति दाङले घटना प्रति गम्भिर ध्यानाकर्षण भएको जनाएको छ । आईतबार संयोजक नारायण भट्टराईले एक प्रेस बिज्ञप्ती जारी गरी दोषीलाई तत्काल कारबाहीको माग समेत गरेका छन् ।
इस्लामका पाँच आधार स्तम्भ इमान (आस्था), नमाज (प्रार्थना), हज (तीर्थ), जकात (दान) र कल्मामध्ये रोजा (व्रत) एक खम्बा हो । अरू महिनाका तुलनामा ‘रमजानल मुबारक’ महिनालाई मुसलमानले पवित्र महिनाका रूपमा विश्वास गर्छन् ।
राप्तीका साहित्यकारहरु दाङमा भेला भएका छन् । राप्ती साहित्य परिषद्को १३ आंै अधिवेसन तथा ४१ आंै स्थापना दिवसको अवसरमा आयोजना गरिएको कार्यक्रममा राप्तीका पाँचै जिल्लाका साहित्यकारहरु दाङमा भेला भएका छन् । राप्ती साहित्यको विकासक्रमलाई उनीहरुले समीक्षा गर्दै यसको प्रभावको मूल्याङ्कन गरेका छन् ।
नेपाली समाजको परिवर्तनका लागि साहित्यले पु¥याएको योगदानको बारेमा चर्चा गर्दै उनीहरुले साहित्यको साखलाई बचाई राख्नका लागि हाम्रै समाजका विषयहरु लेख्न आबस्यक रहेकोमा जोड दिएका छन् । साहित्यको मुलधारमा आएको परिवर्तनले नेपाली समाजमा समेत प्रभाव पार्ने भन्दै साहित्य आफैमा संवेदनशील क्षेत्र रहेको उनीहरुको भनाई रहेको छ ।
दाङसहित प्यूठान, रोल्पा, सल्यान र रुकुमका साहित्यकारहरु सहभागी छन् । राप्ती साहित्य परिषद्को पहिलो दिनको कार्यक्रमअन्तर्गत शनिबार पुरस्कार वितरण तथा सम्मान कार्यक्रम र कवि गोष्ठी भएको छ । शनिबार दिउँसो नेपाल पत्रकार महासंघ घोराहीको सभाहलमा सुरु भएको पुरस्कार वितरण तथा सम्मान कार्यक्रममा सहभागी भएका साहित्यकारहरु शनिबार बेलुका राप्ती साहित्य परिष्दमा कवि गोष्ठी गरी रचना बाचनको रसस्वादन गरेका छन् ।
परिषद्का अध्यक्ष पुरुषोत्तम खनालको अध्यक्षता तथा संस्थापक अध्यक्ष नारायण गुरुको प्रमुख आतिथ्यता र बरिष्ठ साहित्यकार गिरिराज शर्माको विशिष्ठ आतिथ्यतामा सुरु भएको पुरस्कार वितरण तथा सम्मान कार्यक्रममा परिषद्ले वितरण गर्ने पुरस्कारहरु स्रष्टालाई वितरण गरिएको थियो । यो वर्ष राप्ती साहित्य परिषद्मा स्थापना गरिएका १७ वटा पुरस्कारहरु वितरण गरिएको पुरुषोत्तम खनालले जानकारी दिनुभयो ।
यसवर्षको राप्ती साहित्य पुरस्कार डा. नेत्र एटमलाई प्रदान गरिएको छ, भने राप्ती सिर्जना पुरस्कार श्रीधर पौडेललाई प्रदान गरिएको छ । त्यस्तै नन्दहरी साहित्य पुरस्कार कुलराज राजभण्डारी, विष्णु नुमा साहित्य पुरस्कार विमला डाँगी विकलतालाई, डोमादेवि साहित्य पुरस्कार लोक आलोकलाई, ऋषि लक्ष्मी साहित्य पुरस्कार अर्जन पौडेललाई, देविचन्द्र साहित्य पुरस्कार गोपाल भुसाल अभिलाषीलाई, अपामुकुन्द प्रज्ञा पुरस्कार सूर्य विसीलाई, गोपाल चन्द्र प्रज्ञा पुरस्कार प्रद्युम्न पोख्रेललाई र गोमादेवि कला पुरस्कार कमला भारतीलाई प्रदान गरिएको छ ।
यस्तै हरिप्रसाद मीना पाण्डेय कला साहित्य पुरस्कार रेशम विसीलाई, खोपीलाल हुकुमादेवि छन्द पुरस्कार सिर्जना शर्मालाई, पण्डीतकपिल मुनी भक्तकुमारी शिवाकोटी स्मृति पुरस्कार लिला गम्भीर थारुलाई, पद्मप्रसाद रुपसाप्रज्ञा पुरस्कार प्रकाश केसीलाई, तिलका तुल्सीराम आचार्य स्मृति साहित्य पुरस्कार डा. मधुसुदन लामिछानेलाई, चक्रपाणी लक्ष्मी स्मृति छन्द पुरस्कार डिल्लीराज श्रीधरलाई, तिलसरी दल अतिरिक्त पुरस्कार भावेश भुमरीलाई प्रदान गरिएको छ ।
यस्तै प्युठानमा बसेर लामो समयदेखि राप्ती क्षेत्रको साहित्यिक विकास र सिर्जनाको क्षेत्रमा महत्वपूर्ण योगदान गर्नुको साथै राप्ती साहित्य परिषद्मा पुरस्कार समेत स्थापना गर्नुभएको बरिष्ठ साहित्यकार भुपेन्द्र सुवेदीलाई अभिनन्दन समेत गरिएको थियो । कार्यक्रमको सहजीकरण राप्ती साहित्य परिषद्का सचिव रमेश सुवेदीले गर्नुभएको थियो ।
यसैबीच राप्ती साहित्य परिष्दको १३ आंै अधिवेसन तथा ४१ आंै स्थापना दिवसको अवसरमा आयोजना गरिएको कार्यक्रमअन्तर्गत शनिबार बेलुका कवि गोष्ठी समेत भएको छ । राप्ती साहित्य परिषद्को सभाहलमा टम्म भरिएका राप्तीका साहित्यकारहरुले आफ्ना सिर्जनाहरु सुनाएका थिए । राप्ती साहित्य परिषद् रुकुम शाखाको आयोजना तथा पञ्चरत्न शिविरको स्थानीय व्यवस्थापनमा कार्यक्रम आयोजना गरिएको थियो ।
अहिले उक्त वडामा नेपाली कांग्रेसका पूर्व महासमिति सदस्य भिमप्रकाश खड्का र एमाले नेता खोपिराम चौधरीले वडाध्यक्षमा टिकट पाउनुभएको छ । चौधरीलाई एमालेले सर्वसम्मत वडाध्यक्षमा अगाडि सारेको छ, भने कांग्रेसबाट खड्कासहीत एक दर्जनले वडाध्यक्षमा दावि गरेका थिए । अन्ततः कांग्रेसले वडानम्वर ७ मा खड्कालाई टिकट दिएको छ ।
कांग्रेसका खड्का सामुदायिक वनको आन्दोलन नेतृत्व गरी अहिले सामुदायिक वन उपभोक्ता महासंघको केन्द्रीय उपाध्यक्ष हुनुहुन्छ, भने एमालेका चौधरी पनि सामाजीक क्षेत्रमा क्रियाशील व्यक्ति हुनुहुन्छ । दुवैले पार्टीले टिकट दिएपछि जीत्ने दावीसमेत गर्नुभएको छ । एमाले नेता चौधरीले आफूले सामाजिक क्षेत्रको नेतृत्व गर्दै काम गरिरहेको बताउँदै वडा अध्यक्ष भएर त्यस क्षेत्रमा सामाजिक सेवा गर्ने इच्छा व्यक्त गर्नुभयो । उहाँले अहिले सौडियारमा रहेको अस्थायी वडा कार्यालयलाई सोही स्थानमा स्थायी वडा कार्यालय बनाउने पहिलो आफ्नो मिसन रहेको बताउनुभयो ।
उहाँले त्यस क्षेत्रको आर्थिक विकासका लागि सर्रा–सौडियार जोड्ने बाटो पिच हुनुपर्ने भन्दै त्यो पनि आफ्नो अर्काे मिसन भएको बताउनुभयो । चौधरी गैर सरकारी क्षेत्रमा पनि नेतृत्व गर्दै अघि बढिरहनुभएको छ । गैरसरकारी क्षेत्रमा चौधरीको नाम अग्रपङ्तिमा आउने गर्दछ । चौधरीकै पहलमा साविक सौडियारमा विभिन्न वडाहरु आर्थिक आयआर्जनका विभिन्न कार्यक्रमहरु पनि सञ्चालन भइरहेका छन् । चौधरी मिलनसार र सहयोगी मानिनुहुन्छ ।
त्यस्तै कांगे्रसका नेता खड्काले सबैको सहयोग भएमा आफूले स्थानीय निर्वाचन जित्ने दावि गर्नुभयो । त्यस क्षेत्रमा कांग्रेस बलियो रहेको भन्दै वडाध्यक्ष बनेर त्यस क्षेत्रको विकास गर्ने आफ्नो उद्देश्य रहेको बताउनु भयो । सामाजिक र राजनीतिक क्षेत्रलाई एकैसाथ अगाडि बढाउनु भएका खड्का सबैसामु परिचित नै हुनुहुन्छ । जनभावना अनुसार आफू काम गर्न तयार रहेको भन्दै पार्टीले आफुलाई नै टिकट दिने विश्वास उहाँले व्यक्त गर्नु भयो ।
साविक सौडियार गाविसमा खड्का कांग्रेसका पुराना, सिनियर, सबैसँग मिल्ने खुवी भएका र अत्यन्तै सहयोगी नेताकारुपमा चिनिनुहुन्छ । क्षेत्रनम्वर ३ बाट कांग्रेस नेता खड्काले सभासदमा समेत दावी गर्नुभएको थियो । यता नेकपा माओवादी केन्द्रले वडानम्वर ७ मा बुद्धिप्रकाश चौधरीलाई उठाएको छ । समाचार गणतन्त्र दैनिकले छापेको छ ।
नेपाल दलित संघ क्षेत्रनम्वर ४ का उपाध्यक्ष रमेश विश्वकर्मा र सचिव किरण विश्वकर्माले शनिबार एक प्रेस विज्ञप्ति जारी गर्दै पार्टीले दलित संघमा आबद्ध कुनै पनि दलितलाई प्रमुख पदका लागि उम्मेदवार छनोट नगरेप्रति घोर आपत्ती जनाएको विज्ञप्तिमा उल्लेख गरिएको छ ।
साथै तुलसीपुर उपमहानगरपालिका वडानम्वर ७ का जुझारु, कर्मठ र क्षमतावान योग्य नेता नेपाल दलित संघका केन्द्रीय सदस्य जोगेन्द्र विश्वकर्मालाई पार्टीले वडाध्यक्ष पदको उम्मेदवार नदिएको र उहाँको स्थानमा अर्को व्यक्तिको नाम छनोट गरेको भन्दै उक्त निर्णय पार्टीले तत्काल फिर्ता नलिए नेपाल दलित संघ क्षेत्रनम्वर ४ ले पार्टीको कुनै पनि गतिविधिमा सहभागिता र सहयोग नगर्ने विज्ञप्तिमार्फत् जानकारी गराइएको छ ।
दाङ, जेठ १३ । जेठ ३१ हुने स्थानीय तहको निर्वाचनलाई शान्तिपूर्ण, भयरहित र बिश्वसनीय बनाउन पत्रकारहरुको महत्वपूर्ण भूमिका हुने नेपाल प्रेस युनियनले शनिबार तुलसीपुरमा आयोजना गरेको कार्यक्रममा बोल्ने वक्ताहरुले बताएका छन् । प्रेस युनियनको २६ औं स्थापना दिवसको अवसरमा तुलसीपुर स्थित वीपी चोकमा शान्ति दीप प्रज्ज्वलनपछि आयोजीत कोण सभामा बोल्ने वक्ताहरुले आम मतदाताहरुलाई निर्वाचनमा सहभागी गराउन र उनीहरुको सहभागितामा बिश्वसनीय र शान्तिपूर्ण निर्वाचन गराउन पत्रकारहरुले भूमिका खेल्नुपर्ने सुझाव दिएका छन् ।
नेपाल प्रेस युनियन दाङका अध्यक्ष सुशील बस्नेतको अध्यक्षता एवं नेपाली कांगे्रस जिल्ला कार्यसमितिका सदस्य सुरेन्द्र खड्काको प्रमुख आतिथ्यतामा आयोजित कोण सभामा प्रमुख अतिथि खड्काले स्थानीय तहको निर्वाचन गणतन्त्रको संस्थागत विकासका लागि मियोका रुपमा काम गर्ने भएकाले भयरहित र शान्तिपूर्ण रुपमा सम्पन्न गराउनुपर्ने बताउनुभयो । उहाले नेपाली काग्रेसले स्थानिय तहको निर्बाचनमा बहुमत प्राप्त गर्ने गरि नेपाल प्रेस युनियनमा आबद्ध पत्रकारहरुले भूमिका खेल्नुपर्ने बताउनुभयो ।
उक्त अवसरमा नेपाल कर्मचारी युनियनका जिल्ला उपाध्यक्ष रश्मी अधिकारी, नेपाल तरुण दलका जिल्ला सहसचिव ध्रुव आचार्यले शुभकामना मन्तव्य व्यक्त गर्नुभएको थियो । कार्यक्रममा स्वागत मन्तव्य कोषाध्यक्ष शरद रेग्मी र सहजीकरण सहसचिव बालाराम खडकाले गर्नुभएको थियो ।
स्थापना दिवसको अवसरमा दाङको तुलसीपुर, घोराही र लमहीमा शान्ति दीप प्रज्ज्वलन गरिएको नेपाल प्रेस युनियनले जनाएको छ । २०४८ सालमा नेपाली कांग्रेसका सभापति गिरिजाप्रसाद कोइरालाको पहलमा युनियनको स्थापना गरिएको हो । प्रजातन्त्रको पुनर्वहालीसँगै पत्रकारिता क्षेत्रमा पनि मिसनबाट व्यवसायिक बन्न थालेपछि व्यवसायिक पत्रकारिताको विकास र श्रमजीवी पत्रकारको हितका लागि नेपाल प्रेस युनियन स्थापना भएको हो ।
नेपाली कांग्रेसका तत्कालिन सभापति गिरिजाप्रसाद कोइरालाका प्रेस सल्लाहकार जयप्रकाशप्रसाद गुप्तालाई तदर्थ समितिको अध्यक्ष बनाएर गठन भएको प्रेस युनियनको पहिलो महाधिवेशनले हरि अधिकारीलाई पहिलो अध्यक्ष चयन गरेको थियो । स्थापनाको २६ औं वर्षको अवसरमा यसपटक रजत वर्ष समापन समारोह गर्न लागिएको युनियनले जनाएको छ । ७३ वटा जिल्ला र आठ वटा प्रतिष्ठान शाखा रहेको नेपाल प्रेस युनियनमा अहिले ७ हजारभन्दा बढी सदस्य छन् ।
हिँड्दाहिँड्दै ढल्नुभएका उहाँलाई उपचारार्थ बर्दिवासको शुभ स्वस्तिक अस्पताल लगिएको थियो र चिकित्सकले उहाँको निधन भएको घोषणा गरेको पारिवारिक स्रोतले जनाएको छ । दाङको लमही निवासी केवल नेपाली, अवधि र हिन्दी भाषामा साहित्य रचना गर्नुहुने केवलले जनकपुरमा साप्ताहिक पत्रिकाको सम्पादकका रुपमा काम गर्नुभएको थियो ।
पछिल्लो समयमा पनि उहाँ नेपाली जनसरोकार मासिकको सम्पादक हुनुहुन्थ्यो । साथै अवधि भाषाको ‘बटोही’ द्वैमासिकमा पनि उहाँ कार्यरत हुनुहुन्थ्यो । केवलका आधा दर्जन कृति प्रकाशित छन् । पत्रकार केवलका आमा, श्रीमती र दुई छोरी हुनुहुन्छ ।
भालुवाङ, जेठ १३ । पूर्व सभासद् तथा राष्ट्रिय जनमोर्चाका कार्यकारी अध्यक्ष रश्मीराज नेपालीले सरकारले जसलाई पनि सहिद घोषणा गर्ने परिपाटीकै कारण मुलुकको आमुल परिवर्तनका मृत्युवरण गर्नुभएका इच्छुकले योगदान, बलिदानी र बिचार ओझेलमा परेको बताउनुभयो ।
इच्छुक स्मृतिपार्क निर्माण समिति भालुवाङले शनिबार इच्छुकको पुख्र्यौली घर भालुवाङ पुल्चोक बजारको राप्ती नदीपारी अर्घाखाँची जिल्लाको सितगंगा नगरपालिका–५ सातामारामा आयोजना गरेको सहिद पत्रकार तथा साहित्यकार कृष्णसेन इच्छुकको १५ औं स्मृति दिवस समारोहमा बोल्दै नेपालीले आफूलाई सांस्कृतिक परिवर्तनका बाहक क्रान्तिकारी कम्युनिष्ट पार्टी भन्न रुचाउनेहरु सत्तामा पुग्दा मौलिक नेपाली भाषा माथि बिचल्न ल्याउन लागेकै इच्छुकको साहित्य माथि अपमान भएको बताउनुभयो ।
इच्छुक भारतीय सेनाको लाहुरेको छोरो भएर पनि कम्युनिष्ट साहित्यकार भएकै कारण ज्यान गुमाउँदा पटक–पटक कम्युनिष्ट पार्टी भन्नेहरुको सरकार बन्दा पनि इच्छुकको हत्यारालाई कारबाही हुन नसक्नु ठूलो बिडम्बना भएको उहाँले बताउनुभयो । पार्क निर्माण समितिका संयोजक भिमार्जुन सुवेदीको अध्यक्षतामा भएको स्मृति दिवसमा बोल्ने अन्य वक्ताहरुले सहिद साहित्यकार तथा पत्रकार स्वर्गीय कष्णसेन इच्छुकको बिचारलाई सबै दलका नेताहरुले साझा विचार बनाएरका रुपमा आत्म साथ गरेर अघि बढ्नसके मात्र उहाँलाई सच्चा सम्मान मिल्ने बताएका छन् ।
उनीहरुले बाल्य अवस्थादेखि नै इच्छुक अत्यन्तै मिलनसार, सहयोगी र मिहिनेती भएकाले अहिलेका वर्तमान नेता, कार्यकर्ताहरुसँगै सबैले पाठ सिक्नुपर्ने बताएका थिए । इच्छुकको सम्मानका लागि इच्छुक स्मृति पार्क निर्माण कार्यको सोच अत्यन्तै आवश्यक तथा स्वागत योग्य विषय भएको भए पनि अहिलेसम्म कुनै पनि निर्माण कार्य अघि नबढाउनु दुःखद् भएको समेत वक्ताहरुले बताएका थिए । पार्क निर्माणबाट इच्छुकका रचना तथा कृतिको संरक्षणमा गर्न सहयोग पुग्ने बताउँदै वक्ताहरुले त्यसका लागि गठित पार्क निर्माण समिति सक्रियताका साथ तत्काल निर्माण प्रक्रिया अघि बढाउन आग्रह समेत गरेका थिए । उनीहरुले पार्क निर्माणका लागि स्थानीयस्तरदेखि राष्ट्रियस्तरबाट समेत आवश्यक पहल गर्न आग्रह गरेका थिए ।
इच्छकुको बगैँचा तथा जग्गा संरक्षक विष्पुरा घर्तीको स्वागत मन्तव्यबाट सुरु भएको कार्यक्रममा इच्छुकका बालसखी सहपार्टी दामोदर भण्डारीले इच्छुकका जीवनी प्रस्तुत गर्नुभएको थियो । कार्यक्रममा साहित्यकार धर्मराज बैरागी, समितिका सदस्य तथा नेकपा एमालेका जिल्ला सदस्य किरण भण्डारी, नेकपा माओवादीका केन्द्रका जिल्ला सदस्य तथा राप्ती गाउँपालिका प्रमुख पदका उम्मेदवार श्यामेश चौधरी, नेपाल कम्युनिष्ट पार्टीका भिमप्रकाश पुन, साहित्यकारहरु कृष्ण गिरी, जीवराज शर्मा, शरद शर्मा र पुरुषोत्तम आचार्यलगायतका वक्ताले मन्तव्य व्यक्त गरेका थिए । कार्यक्रमको सञ्चालन पार्क निर्माण समितिका सचिव नारायण शर्माले गर्नुभएको थियो ।
सिसहनिया जेठ १३ । सांसद सुशीला चौधरीले दोस्रो चरणको स्थानीय तहको निर्वाचनमा राम्रो सक्षम, योग्य तथा विकासप्रेमी उम्मेदवार छनौट गरी मतदान गर्न आम नागरिकहरुलाई आग्रह गर्नुभएको छ । सत्गौवा थारु समाज संघको १२ औं साधारण तथा अधिवेशनको शनिबार राप्ती गाउँपालिका–८ पिपरीमा उद्घाटन गर्दै चौधरीले यस्तो बताउनुभएको हो ।
कार्यक्रमकी प्रमुख अतिथि समेत रहनुभएकी सांसद चौधरीले थारुहरु अझै पनि हरेक तह तप्काबाट पछाडि परेको बताउँदै थारुहरुको उत्थान र पहिचानका लागि पनि अबको निर्वाचनमा पार्टी भन्दा व्यक्ति छनौट गर्ने बेला आएकाले कसैको लोभ लालच र डर धम्कीमा नपरी सही उम्मेदवार चिन्ने बेला भएकाले सचेत हुन आग्रह समेत गर्नुभयो । एक अर्को प्रसंगमा सांसद चौधरीले पछिल्लो समय यता थारुहरुको रीतिरिवाज, धर्म, संस्कृति, चाडपर्व, भेषभुषा हराउँदै जान थालेकोमा चिन्ता व्यक्त गर्दै त्यसको संरक्षणका लागि युवा पिढीले ध्यान दिनुपर्ने सुझाव दिनुभएको छ ।
संघका अध्यक्ष खड्कबहादुर सत्गौवाको अध्यक्षतामा भएको सभामा वार्षिक प्रगति प्रतिवेदन संघका सचिव रामप्रसाद सत्गौवा र आर्थिक प्रतिवेदन संघका कोषाध्यक्ष भिमलाल सत्गौवाले प्रस्तुत गर्नुभएको थियो । संघकी उपाध्यक्ष कुशुम सत्गौवाको स्वागत मन्तव्यबाट सुरु भएको सभामा सत्गौवा समाज संघका सल्लाहकारहरु बामदेव सत्गौवा, झावेन्द्र सत्गौवा, समाजसेवी तथा बुद्धिजीवीहरु नन्दकुमार सत्गौवा, गणेशकुमार सत्गौवा, संघका सदस्य जंगबहादुर सत्गौवा, पूर्व सदस्य सुवर्णमान सत्गौवा, डा. अम्रिस सत्गौवा, इञ्जिनियर विजयदेव सत्गौवा, शंकर मावि पिपरीका प्रधानाध्यापक रामकुमार चौधरी र पत्रकार ओमप्रकाश गुप्तालगायतले शुभकामना मन्तव्य व्यक्त गर्नुभएको थियो ।
सो अवसरमा सत्गौवा समाज संघमा महत्वपूर्ण योगदान पु¥याएको भन्दै डा. अम्रिस सत्गौवा र इञ्जिनियर विजयदेव सत्गौवालाई सम्मान पत्र र दोसल्ला ओढाई सम्मान गरिएको थियो, भने ७ जना जेष्ठ नागरिकहरुलाई पनि सम्मान गरिएको थियो । कार्यक्रमको बीच बीचमा विभिन्न नृत्यहरु समेत देखाइएको थियो । कार्यक्रमको सञ्चालन संघका सचिव रामप्रसाद चौधरीले गर्नुभएको थियो ।
डाक्टर केसीको अनसनमा अवरोध गर्न आज बिहान सर्कुलर जारी गरेको अस्पताल प्रशासन अन्ततः आफ्नो योजनामा सफल भएको छ । आईसियुको अभाव देखाउँदै अनसन रोक्ने मागसहित आज बिहान प्रमुख जिल्ला अधिकारी मेघनाथ काफ्लेलाई गुहार्न पुगेको अस्पताल प्रशासनले सौचालयको समस्या देखाउँदै अस्पतालमा बस्ने भनिएको डाक्टर केसीको अनसन स्थल परिवर्तन गर्न सफल भएको छ ।
आफ्ना माग पुरा नहुँदासम्म काठमाडौं नफर्कने भन्दै दाङ आइपुग्नुभएका डाक्टर गोविन्द केसीले भोलि दिउँशो २ वजेसम्मका लागि अनसन रोक्नुभएको छ । स्वास्थ्यमन्त्री गगन थापाले भोलि २ वजेसम्मका लागि समय माग गरेपछि आज अपरान्ह ४ वजेबाट सुरु गर्ने भनिएको अनसन भोलिसम्मका लागि रोकिएको डा. केसीका सहयोगी डा. सुमन आचार्यले जानकारी दिनुभयो ।
दाङ नै सत्याग्रहका लागि किन ?
नेपालमा तीनवटा सरकारी र १८ वटा निजी मेडिकल कलेजहरु छन् । सरकारी मेडिकल कलेज बढी र निजी मेडिकल कलेजहरु कम हुनुपर्ने आम मान्यता रहे पनि नेपालमा भने निजी मेडिकल कलेजहरु बढि छन् । दुई वर्ष अघिको अनसनमा सरकारसँग सम्झौता भएको थियो । सरकारसँग भएको सम्झौता अनुसार दाङमा सरकारी मेडिकल कलेज खोल्ने भनिएको थियो । पाँच वर्षभित्र सबै प्रदेशमा मेडिकल कलेज निर्माण गर्ने सम्झौता अनुसार दाङमा पनि त्यो आयोजना सुरु हुनुपर्ने थियो । तर, अहिलेसम्म मेडिकल कलेज निर्माण बारे कुनै पनि प्रक्रिया अगाडि बढ्न सकेन । सबैभन्दा पहिले दाङमा मेडिकल बनाउने सम्झौता रहेको थियो । बरु प्रधानमन्त्री पुष्पकमल दाहाल प्रचण्डले कालो धनलाई सेतो बनाउन लागिएको बि एण्ड सी कलेजलाई सम्बन्धन दिने प्रयास गरेको देखियो ।
सुदूरपश्चिममा सरकारी मेडिकल कलेज खोल्ने भनिएको थियो । त्यसलाई पनि रोकेर शेरबहादुर देउवाले अर्को मेडिकल कलेजलाई सम्बन्धन दिनुपर्ने पक्षमा उभिए । ‘सरकारी मेडिकल कलेज खोल भनेर हामीले भन्दा पनि उनीहरुले भन्नुपर्ने हो’, डा. केसी भन्नुहुन्छ, ‘यो अवस्थाको अन्त्यका लागि पटक पटक लड्नुपरेको छ । यिनै नेताहरुले अर्बौं कमाउन सरकारी मेडिकल कलेज रोकेका छन् । दाङमा पहिले नै खोल्ने भनिएको थियो । तर, निजी मेडिकल कलेज खोल्न दौडधुप गरेर त्यहाँ खोल्न नदिने षडयन्त्र गरियो ।’
सरकारसँग भएको सम्झौता अनुसार दाङमा पहिलो मेडिकल कलेज सञ्चालन गर्नुपर्ने अनुसार डा. केसी दाङबाटै दवाव दिन चाहनुभएको छ । यो ठाउँमा पहिले नै मेडिकल कलेज बन्नुपर्ने तर अहिलेसम्म किन बन्न सकेन भनेर उहाँले सरकारलाई प्रश्न गर्न खोज्नुभएको छ । त्यहाँका जनतासँग ऐक्येवद्धता जनाउन खोजेको भन्दै माग पूरा भएपछि मात्रै आफू फर्किने योजनामा केसी रहनुभएको छ ।
पुर्व घोषित कार्याक्रम अनुसार डा. केसीले आफ्नो ११ औँ अनसन दाङमा बस्ने तयारी गर्नुभएको थियो । शुक्रबार महाराजगञ्जस्थित शिक्षण अस्पतालमा बिरामीको शल्यक्रिया गरेर रात्री बसमा दाङ आउनुभएका केसीले आज अपरान्ह ४ वजेबाट राप्ती उपक्षेत्रीय अस्पताल घोराहीमा अनसन सुरु गर्ने तयारी गर्नु भएको थियो ।
डा. केसीले प्रदेश नम्वर ५ मा बन्ने सरकारी मेडिकल कलेज दाङमा हुनुपर्ने लगायतका माग राख्दै दाङबाटै अनसन सुरु गर्न लाग्नुभएको थियो । १० औ अनसनमा एक प्रदेश एक मेडिकल कलेज स्थापना गर्ने र पहिलो चरणमा दाङमा गर्ने सहमति भए पनि सरकारले प्रक्रियालाई तिव्रगतिमा नलागेको भन्दै केसी अनसन बस्न लाग्नु भएको थियो ।
‘
फोनमा स्वास्थ्यमन्त्री थापाले माग पुरा गर्न भोलि २ वजेसम्मको समय माग गरेपछि भोलि २ वजेसम्मका लागि अनसन रोकिएको डा. केसीका सहयोगी डा. सुमन आचार्यले जानकारी दिनुभयो । ‘प्रधान न्यायाधीश सुशीला कार्कीको महाअभियोगको प्रस्ताव सरकारले फिर्ता लिइसकेको छ । तपाईले उठाउनुभएका माग सम्बोधन गर्न सरकार लागिपरेको छ । भोलिसम्मलाई अनसन रोकिदिनुहोस् भनेर स्वास्थ्यमन्त्री गगन थापाको फोन आएपछि अनसन भोलिसम्मका लागि रोकिएको छ’,डा. केसीका सहयोगी डा. आचार्यले भन्नुभयो,‘माग पुरा नभए भोलिदेखि डाक्टर केसीको अनसन भोलि २ वजेदेखि सुरु हुन्छ ।’
डा. आचार्यले स्वास्थ्य सेवाका हिसाबले पछाडि परेका रुकुम, रोल्पा, सल्यान, प्यूठानलगायतका जिल्लाका बासिन्दालाई दाङ पायक पर्ने भएकाले डा. केसीले दाङमै मेडिकल कलेज स्थापना हुनुपर्ने माग गर्दै आउनु भएको जानकारी दिनुभयो ।
सहकारी संस्थाका शिक्षा उपसमितिका संयोजक सुशीला आचार्यको अध्यक्षता तथा जिल्ला सहकारी संघका अध्यक्ष गोविन्दप्रसाद शर्माको प्रमुख आतिथ्यतामा तालिम सञ्चालन भएको थियो । २५ जना सेयर सदस्यहरुको सहभागीता रहेको तालिममा सस्थाका अध्यक्ष कृष्णप्रसाद शर्मा, सचिव प्रेम केसी र शिक्षा उपसमितिका संयोजक सुशीला आचार्यले सहकारी, सहकारीबाट हुने फाइदा, सहकारीको महत्वका विषयमा प्रशिक्षण दिनुभएको थियो ।
विमला श्रेष्ठले स्वागत गर्नुभएको तालिमको सहजीकरण सदस्य उषारमण घिमिरेले गर्नुभएको थियो ।
सेनको १५ औँ स्मृति दिवसको अवसरमा शनिवार घोराहीमा आयोजित कार्यक्रममा पत्रकार उदय जिएम, नरेन्द्र के.सी र साहित्यकार नदिराम केसीलाई सम्मान गरिएको हो । नेपाल पत्रकार महासंघ दाङ, प्रेस सेन्टर नेपाल दाङ, जनसांस्कृतिक महासंघ दाङको संयुक्त आयोजनामा भएको सेनको १५ औं स्मृति दिवस एवम् पुरस्कार वितरण समारोहमा उनीहरुलाई सम्मान गरिएको हो ।
प्रत्यक वर्ष सेनको स्मृति दिवसको अवसरमा नेपाल पत्रकार महासंघ दाङ, प्रेस सेन्टर नेपाल दाङ, जनसांस्कृतिक महासंघ दाङले एक एक जना स्रष्टालाई सम्मान गर्दै आएका छन् । सो अवसरमा बोल्ने वक्ताहरुले सेन नेपाली राजनीति, पत्रकारिता, साहित्यका धरोहर भएको भन्दै उहाँका विचार र आर्दश मनन योग्य भएको बताएका थिए ।
नेपाल पत्रकार महासंघ दाङ शाखाका अध्यक्ष सविन प्रियासनको अध्यक्षता एवं बरिष्ठ पत्रकार नारायणप्रसाद शर्माको प्रमुख आतिथ्यतामा भएको कार्यक्रममा प्रेस स्वतन्त्रता सेनानी सुशील गौतम सेनको व्यक्तित्वका बारेमा चर्चा गर्नुभएको थियो ।
अस्पतालका निमित्त मेडिकल सुपरिटेण्डेन्ट डा. जनाद्र्धन पन्थीले आइसियू नभएको भन्दै अनसन रोक्न खोजेको बुझिएको छ । डा. पन्थी सोही व्यहोरासहित अनसन रोक्न माग गर्दै प्रमुख जिल्ला अधिकारी समक्ष पुगेको बुझिएको छ । यता जिल्लाका सरोकारवालाहरुले राप्ती उपक्षेत्रीय अस्पतालमै अनसन बसाउने व्यवस्था मिलाउन लागेका छन् ।
विगतमा गरिएका सम्झौता कार्यान्वयनका साथै दाङमा मेडिकल कलेज स्थापना गर्ने विषयलाई उनले प्रमुखताका साथ उठाएका छन् । पत्रकारहरुसँगको कुराकानीमा केसीले पटक–पटक सरकारको सहमति पालना नभएकोले दबाबका लागि फेरि अनशन बस्नु परेको बताए ।
दुई वर्ष अघिको अनशनका क्रममा प्रत्येक विकास क्षेत्रमा एउटा मेडिकल कलेज स्थापना गर्ने सहमति डा केसी र सरकारबिच एको थियो । मुलुक संघीय संरचनामा गइसकेपछि हरेक प्रदेशमा एउटा मेडिकल कलेज स्थापना गर्ने सहमति भएकोमा अहिलेसम्म कुनै काम नभएको डाक्टर केसीको भनाई छ ।
दुवै सहमतिको कार्यान्वयन दाङमा मेडिकल कलेज स्थापना गरेर शुरु गर्ने भनिएपनि हालसम्म कुनै काम नभएकाले आफुले दाङलाई नै रोजेको केसीले बताए ।
दलका नेताहरुकै कारण सहमति कार्यान्वयन नभएको बताउँदै उनले सरकारी मेडिकल कलेजहरुको अनुपात बढी हुनुपर्नेमा आर्थिक चलखेलका कारण नीजि मेडिकल कलेजहरुको संख्या बढाइएको र उनीहरु नै निर्णायक भूमिकामा रहेको आरोप लगाए ।
मध्यपश्चिमको दाङ र सुदूरपश्चिममा खोल्ने भनिएको मेडिकल कलेज दलका शिर्ष तथा प्रमुख नेताहरुका कारण अलपत्र भएको उल्लेख गर्दै उनले निजी मेडिकल कलेजमा तिनै नेताहरुले कालो धनलाई सेतो बनाउने माध्यमको रुपमा लगानी गरेको दाबी समेत गरे ।
दाङ, जेठ १३ । नेकपा माओवादी केन्द्रले तुलसीपुर उपमहानगरपालिकामा उम्मेदारहरु घोषणागरेको छ । शनिबार एक कार्यक्रमका बीच केन्द्रले मेयर, उपमेयर र वडाध्यक्षको घोषणा गरेको होे ।
तुलसीपुर उपमहानगरपालिका वडाम्वर पाँचका अध्यक्ष मिनराज भण्डारीको अध्यक्षता एवं नगर उपाध्यक्ष चित्रबहादुर खड्काको प्रमुख आतिथ्यतामा भएको कार्यक्रममा तुलसीपुर उपमहानगरपालिका वडानम्वर पाँचको अध्यक्षमा पे्रम योगीलाई उम्मेदवार बनाएको छ । त्यसैगरी सदस्यहरुमा कर्णबहादुर दमाई, लालबहादुर विक, दलित महिला सदस्यमा निमा दमिनी र खुला महिला सदस्यमा पार्वती कुमारी बुढाथोकिलाई उम्मेद्धार बनाईएको संघका सचिव बेदप्रसाद वलीले जानकारी दिनुभयो ।
यता तुलसीपुर उपमहानगरपालिकाको मेयरमा शेशुराम भण्डारी, उपमेयरमा सिता वलीलाई पार्टीले यसअघिनै घोषणा गरिसकेको छ । नेकपा माओवादी केन्द्रको उपहार गाऊ गाऊमा सिंहदरवार भन्ने नारासहित केन्द्रले सहरदेखि गाऊँगाऊँसम्म चुनावी प्रचारप्रसार अभियानलाई तिव्रता दिएको छ ।
दाङ, जेठ १३ । असहायहरुलाई सहयोग गर्नका लागि शनिबार तुलसीपुरमा दाङ फेमिनाका युवतीहरुले सहयोग संकलन गरेको छ ।
दाङ फेमिना ग्रुपमा १६ देखि २५ उमेर समूहका १ हजार ८ सय विवाहित र अविवाहित दङाली युवतीहरुको फेसबुक पेज सँगसँगै महिला सशक्तिकरण र समाज परिवर्तनमा विश्वास गर्ने एउटा दृढ संकल्प हो । बृद्धाश्रममा बस्ने आमाबुबाहरुलाई एक छाक खानाको व्यवस्था गर्ने सोच अन्तत सफल भएपछि रामअली चौधरी नाम गरेका एकजना मानसिक सन्तुलन गुमाएका स्थानीय व्यतिलाई आर्थिक सहयोग गर्न पाउँदा थप सामाजिक काम गर्ने उर्जा थपिएको उहाँहरुको भनाई छ ।
संकलन गरिएको सहयोग रकम विजौरीस्थित अनाथ बालबालिकाहरु लाई दिइने संस्थाका एडमिन संगीता ढकालले जनकारी दिनुभयो । शनिबार तुलसीपुरको विपी चोकमा दाङ फेमिना ग्रुपको चटपटे स्टल र दानपेटिका लिएर यिनै युवतीहरुको समूहले चटपटे बेचिरहेका थिए । अनि बाटो हिडने
बटुवाहरुलाई चटपटे खाएर केही रकम सहयोग गर्न आग्रह गरिरहेका थिए । उनीहरुले पैदल यात्री र आफूले चिनेका शुभेच्छुकहरुसँग विपी चोकमा बोलाएर सहयोग गर्न लगाएका थिए । पैदल हिड्नेहरुले मन फुकाएर सहयोग गरेका थिए ।
उनीहरुले सामाजिक अभियानमा हाम्रो पनि सहयोग हुने भन्दै ५ रुपैयादेखि १ हजार रुपैयासम्म आर्थिक सहयोग गरेको दाङ फेमिनाकी स्मृति केसीले बताउनुभयो ।
दाङ, जेठ १३ । तुलसीपुरमा जारी जेसीज सप्ताहअन्तर्गत शनिबार दोस्रो दिन मत्रीपूर्ण फुटबल प्रतियोगीता आयोजना गरिएको छ । तुलसीपुर उपमहानगरपालिका, बंैकर्स, रोट्रयाक क्लव तुलसीपुर, तुलसीपुर नगर जेसीज प्याव्सन, एन प्याव्सन, मोवाइल एशोसियशन तुलसीपुरका बीचमा मैत्रीपूर्ण खेल आयोजना गरिएको तुलसीपुर नगर जेसीजका अध्यक्ष विमल पौडेलले जानकारी दिनुभयो ।
उहाँका अनुसार एक हप्तासम्म सामाजिक सेवामा हातेमालोदेखि विकास निर्माणमा जेसीजको चासो सम्बन्धि कार्यक्रमहरु तय गरिएको छ । तुलसीपुरका युवाहरुको सक्रिय संगठन जेसीजले ट्राफिक सचेतना, बालबालिकाहरुका लागि शैक्षिक सामग्री वितरण, चमेरे गुफा जाने बाटो कालोपत्रे गर्ने सम्बन्धि अन्तत्र्रिmयालगायतका कार्यक्रमहरु एक हप्तासम्म सञ्चालन हुने जेसीसका महासचिव दीपेश भण्डारीले जानकारी दिनुभयो ।
शनिबार एक कार्यक्रमका बीच मैत्रीपूर्ण फुटबल प्रतियोगीताको उद्घाटन गरिएको थियो । तुलसीपुर नगर जेसीजका अध्यक्ष विमल पौडेलको अध्यक्षता एवं संस्थापक अध्यक्ष दिपेन्द्र चापागाईको प्रमुुख आतिथ्यतामा सञ्चालन भएको उद्घाटन कार्यक्रममा निवर्तमान अध्यक्ष सूर्यप्रसाद शर्मा, पूर्व अध्यक्ष झरेन्द्र खरेल, रिपोर्टर्स क्लव दाङका अध्यक्ष शरद रेग्मी, तुलसीपुर उपमहानगरपालिकाका ईञ्जिनियर पवन योगी, रोट्रयाक क्लव तुलसीपुरका अध्यक्ष सन्दिपन रिजाललगायतले बोल्नु भएको थियो । कार्यक्रममा धन्यवाद ज्ञापन कार्यक्रमका मुल संयोजक दामोदर न्यौपानेले गर्नुभएको थियो , भने सहजीकरण महासचिव दिपेश भण्डारीले गर्नुभएको थियो । त्यसैगरी जेसीजको आस्था पाठ सुरज भण्डारीले गर्नुभएको थियो ।
दाङ, जेठ १३ । घोराही उपमहानगरपालिका वडानम्वर ५ धर्नाका विवेक बुढाथोकी चर्चामा आउन नसकेका मोडल तथा कलाकार हुनुहुन्थ्यो । केहि वर्ष पहिलेसम्म राजनीतिको बारेमा अनविज्ञ बुढाथोकी नेकपा एमालेमा प्रवेश गरेको करिव दुई वर्षको हाराहारी मात्रै भएको छ । तर, स्थानीय तहको निर्वाचन पश्चात् उहाँको नाम वडाध्यक्षका रुपमा चर्चामा आयो ।
साविक धर्ना गाविस एक वर्ष अगाडि नेकपा एमालेको कमजोर ईलाका हो । कुनै–कुनै समयमा आयोजित कार्यक्रमहरुमा एउटा बस पनि कार्यकर्ताले भर्न मुस्किल हुन्थ्यो एमालेलाई । तर, विवेक बुढाथोकी एमालेमा प्रवेश गरेसँगै धर्नामा एमालेप्रति लहर पैदा भयो । नेकपा एमालेले सञ्चालन गरेको मेची–महाकाली अभियान कार्यक्रममा धर्नाबाट मात्रै ९ वटा बसमा कार्यकर्ता लिएर विवेक जब लमही पुगे त्यसपछि कांग्रेस एक किसिमले ‘तर्सियो’ । यसअगाडि धर्ना नेपाली कांग्रेसको अखडा हो । २०५४ सालमा धेरै स्थानमा नेकपा एमालेले जीतको झण्डा फहराउँदा पनि धर्नामा नेपाली काँग्रेसले जीत छोडेको थिएन ।
काँग्रेसको ईलाकामा एमालेकै दवदवा बनाउने बुढाथोकीलाई स्थानीय तहको निर्वाचनका लागि एमालेले वडाध्यक्षको टिकट दिएको छ । वडा अध्यक्षको उम्मेदवारका रुपमा चुनावी कार्यक्रममा व्यस्त बुढाथोकी एक किसिमले काँग्रेसको तारो बन्दै गइरहनुभएको थियो । यहि क्रममा विवेकमाथि भएको कांग्रेस निकट युवा कार्यकर्ताहरुको आक्रमणले घोराही उपमहानगरपालिका ५ को एमालेलाई थप बलियो बनाएको छ ।
असुरक्षित धर्ना
अहिले नेकपा एमालेको पकटमा रहेको धर्ना क्षेत्र केहि वर्ष पहिलेसम्म नेपाली काँग्रेसको एरियाका रुपमा चिनिन्थ्यो । काँग्रेसको गुण्डागर्दीले धर्ना समयसमया चर्चामा आउने क्षेत्र पनि हो । त्यसको कारणका रुपमा काँग्रेसका प्रभावशाली नेता खुमबहादुर खड्का हुनुहुन्छ । काँग्रेसको केन्द्रकै प्रभाव पार्नसक्ने खुमबहादुरको एरिया हो–धर्ना । यसकारणले पनि धर्ना बेलाबेलामा असुरक्षित रहेको धर्नाबासीले महसुस गर्छन् ।
यसलाई प्रहरीले पुष्टि गर्छ । प्रहरीको अध्ययनमा स्थानीय तहको निर्वाचनका लागि त झन् धर्ना क्षेत्र अत्यन्तै जोखिमयुक्त क्षेत्र हो । धर्ना, रामपुर, हापुर क्षेत्र निर्वाचनका क्रममा हनु सक्ने आपराधिक गतिविधिलाई प्रहरीले सुष्म रुपले हेर्दै आएको छ । स्थानीय तहको निर्वाचनको उम्मेदवार बुढाथोकीमाथि भएको आक्रमणले धर्नाको सुरक्षा चुनौति स्पष्ट भएको छ । प्रशासनलाई सुरक्षामा चुनौति दिँदै काँग्रेस कार्यकर्ताहरुले विवेक बुढाथोकी माथि आक्रमण गरेका छन् ।
घटनाको नालीबेली ?
रातको ११ वजेको थियो । विवेकले खाना खाइसक्नुभएको थियो । खानापछि चुनावी माहोल र भइरहेका गतिविधिहरुको बारेमा छलफलका लागि विवेक धर्नास्थित वसन्तपुरमा रहेको राम कटेजमा पुग्नुभएको थियो । विवेकलाई भेट्न कांग्रेस निकट गुण्डा घोराही उपमहानगरपालिका–७ शुक्रबारका विनय वली टाइगर, मेघराज चौधरी पनि सोही कटेजमा पुगेका थिए ।
सामान्य कुराकानीकै क्रममा कांग्रेसका युवाहरुले खुकुरी र पेस्तोल देखाएपछि विकेक बाहिर निस्के । पिछा लाग्ने गरेका कांग्रेस युवाहरुदेखि डराउनुभएका विवेक भाग्नुभयो । भाग्दाभाग्दै लडेका विवेकमाथि फलामको रड प्रहार भएको नेकपा एमाले घोराही उपमहानगरपालिकाका ईञ्चार्ज विवेक श्रेष्ठले जानकारी दिनुभयो । आक्रमणबाट बुढाथोकीको खुट्टा भाँचिएको छ । प्रहरीले बुढाथोकीको घोराहीको राप्ती उपक्षेत्रीय अस्पतालमा सामान्य उपचारपछि थप उपचारका लागि कोहोलपुर रिफर गरिएको छ ।
आक्रमण गर्नेहरु अहिले फरार छन् । उनीहरुको खोजी कार्य जारी रहेको वडा प्रहरी घोराहीका वडाप्रहरी प्रमुख सूर्य थापाले बताउनुभयो । त्यहाँ गोली चलेको भनि दाबी गरिए पनि प्रहरीको प्रारम्भिक अनुसन्धानले त्यस्तो नदेखाएको पनि थापाको भनाई छ । तर, कांग्र्रेसले यो घटनामा आफ्नो कुनै संलग्नता नरहेको र सो घटनामा सलग्नलाई कानुनी दायरामा ल्याएर कारबाही गर्नुपर्ने बताएको छ ।
प्राध्यापक डाक्टर गोविन्द केसीले आजदेखि दाङमा ११ आंै सत्याग्रह सुरु गर्दैहुन्छ । सरकारी चिकित्सा क्षेत्रको सुधारका लागि १० आंै पटक अनसनमा बस्नुभएका डा. केसीले सरकारसँग भएका सम्झौताहरु कार्यान्वयनका लागि दाङबाट दवाव सिर्जना गर्नुहुनेछ । सत्याग्रहका लागि आज बिहान प्रा.डा. केसी दाङ आई पुग्दैहुनुहुन्छ ।
‘शुक्रबार बेलुकासम्म माग पुरा भएन भने सरले भोलि शनिबारबाट अनशन सुरु गर्नुहुनेछ र त्यो यसपटक त्रिवि शिक्षण अस्पतालमा होइन दाङमा हुनेछ’, डा. केसीका सहयोगी डा. सुमन आचार्यले बताउनुभयो । सरकारले यसभन्दा अगाडिको अनसनमा प्रत्येक प्रदेशमा एउटा सरकारी मेडिकल बनाउने भन्ने सम्झौता भए पनि त्यसको स्थापनामा केही चासो नदेखाएको भन्दै दबाबस्वरुप दाङबाट अनसन सुरु गर्न लागेका सहयोगी डा. आर्चायको भनाई रहेको छ । उहाँले भन्नुभयो, ‘यसभन्दा अगाडिको अनसनमा प्रत्येक प्रदेशमा एउटा सरकारी मेडिकल कलेज स्थापना सम्झौता भएको थियो, अहिलेसम्म सरकारले सो कार्य अगाडि नबढाएको हुँदा सरले दबाबस्वरुप दाङको घोराहीबाट अनशन सुरु गर्न लाग्नु भएको छ ।’
डा. केसीले आफूसँग विगतमा भएका सम्झौताको पूर्ण कार्यान्वयन हुनुपर्ने र सर्वोच्च अदालतका प्रधानन्यायधीश सुशीला कार्कीमाथि लगाइएको महाअभियोग फिर्ता लिनुपर्ने माग अघि सार्नुभएको छ । गत ९ जेठदेखि नै एघारौं अनसन सुरु गर्ने भने पनि अन्तिम समयमा आएर तीन दिन पर्खिनुभएको थियो । तर, राप्ती उपक्षेत्रीय अस्पतालका केडिकल सुपरिटेन्डेन्ट डा. जनार्दन पन्थीले यसबारेमा आफूले विस्तृत जानकारी प्राप्त नगरेको बताउनुभयो । गणतन्त्र दैनिकसँग कुरा गर्दै डा. पन्थीले उहाँको अभियान बारेमा आफूहरुलाई कुनै पनि जानकारी नआएको बताउनुभयो । ‘यसको आधिकारिकता बारेमा हामीलाई कुनै पनि जानकारी छैन’, डा. पन्थीले भन्नुभयो, ‘डा. केसीले फोन गर्नुभएको थियो । म आउँदै छु भनेर भन्नुभयो । शनिबार बिहान आइपुग्नु हुन्छ । बाँकी यस बारेमा मलाई केहि जानकारी छैन ।’
दाङ नै सत्याग्रहका लागि किन ?
नेपालमा तीनवटा सरकारी र १८ वटा निजी मेडिकल कलेजहरु छन् । सरकारी मेडिकल कलेज बढी र निजी मेडिकल कलेजहरु कम हुनुपर्ने आम मान्यता रहे पनि नेपालमा भने निजी मेडिकल कलेजहरु बढि छन् । दुई वर्ष अघिको अनसनमा सरकारसँग सम्झौता भएको थियो । सरकारसँग भएको सम्झौता अनुसार दाङमा सरकारी मेडिकल कलेज खोल्ने भनिएको थियो । पाँच वर्षभित्र सबै प्रदेशमा मेडिकल कलेज निर्माण गर्ने सम्झौता अनुसार दाङमा पनि त्यो आयोजना सुरु हुनुपर्ने थियो । तर, अहिलेसम्म मेडिकल कलेज निर्माण बारे कुनै पनि प्रक्रिया अगाडि बढ्न सकेन । सबैभन्दा पहिले दाङमा मेडिकल बनाउने सम्झौता रहेको थियो । बरु प्रधानमन्त्री पुष्पकमल दाहाल प्रचण्डले कालो धनलाई सेतो बनाउन लागिएको बि एण्ड सी कलेजलाई सम्बन्धन दिने प्रयास गरेको देखियो ।
सुदूरपश्चिममा सरकारी मेडिकल कलेज खोल्ने भनिएको थियो । त्यसलाई पनि रोकेर शेरबहादुर देउवाले अर्को मेडिकल कलेजलाई सम्बन्धन दिनुपर्ने पक्षमा उभिए । ‘सरकारी मेडिकल कलेज खोल भनेर हामीले भन्दा पनि उनीहरुले भन्नुपर्ने हो’, डा. केसी भन्नुहुन्छ, ‘यो अवस्थाको अन्त्यका लागि पटक पटक लड्नुपरेको छ । यिनै नेताहरुले अर्बौं कमाउन सरकारी मेडिकल कलेज रोकेका छन् । दाङमा पहिले नै खोल्ने भनिएको थियो । तर, निजी मेडिकल कलेज खोल्न दौडधुप गरेर त्यहाँ खोल्न नदिने षडयन्त्र गरियो ।’
सरकारसँग भएको सम्झौता अनुसार दाङमा पहिलो मेडिकल कलेज सञ्चालन गर्नुपर्ने अनुसार डा. केसी दाङबाटै दवाव दिन चाहनुभएको छ । यो ठाउँमा पहिले नै मेडिकल कलेज बन्नुपर्ने तर अहिलेसम्म किन बन्न सकेन भनेर उहाँले सरकारलाई प्रश्न गर्न खोज्नुभएको छ । त्यहाँका जनतासँग ऐक्येवद्धता जनाउन खोजेको भन्दै माग पूरा भएपछि मात्रै आफू फर्किने योजनामा केसी रहनुभएको छ ।
बिहान ८ वजे घोराहीस्थित पत्रकार महासंघको भवनमा सुरु हुने कार्यक्रममा उपस्थितिका लागि जिल्लामा क्रियाशील सम्पूर्ण सञ्चारकर्मी, साहित्यकार, पत्रकार महासंघका पूर्व अध्यक्ष तथा सल्लाहकारलगायत अन्य सबैलाई आग्रह गरिएको ।
यसैबीच नेपाल पत्रकार महासंघ दाङ शाखाले प्रदान गर्ने ‘कृष्णसेन स्मृति पत्रकारिता पुरस्कार’ बाट यसवर्ष नेपाल पत्रकार महासंघका केन्द्रीय सभासद उदय जीएम पुरस्कृत हँुदैहुनुहुन्छ । लामो समयदेखि पत्रकारितामा क्रियाशील जीएमलाई पुरस्कृत गर्न लागिएको महासंघ दाङका अध्यक्ष प्रियासनले जानकारी दिनुभयो । ५ हजार राशीको पुरस्कारसहित जीएमलाई सम्मान गर्न लागिएको हो । उक्त पुरस्कारबाट यसअघिका वर्षमा पत्रकार सुशील गौतम र भुवन देवकोटालाई सम्मानित गरिएको थियो ।
