नवभारत टाइम्समा प्रकाशित समाचारअनुसार, अनुसन्धाताहरूले यसलाई जलवायु परिवर्तनको नराम्रो प्रभावको उदाहरण बताएका छन् । वैज्ञानिकहरूले यो घटनालाई ‘रिवर पाइरेसी’ (नदीको चोरी) नाम दिएका छन् ।
कास्कावुल्स ग्लेसियरबाट निस्किने १५० मिटर चौडा स्लिम्स नदी सयौं वर्षअघिदेखि बग्दै आएको थियो । मौसम परिवर्तनका कारण ग्लेसियरको बरफ निकै छिटो पग्लिन थाल्यो र नदीको पानीको बहाव एकदमै तीव्र भयो । तीव्र प्रवाहले गर्दा नदीले आफ्नो दिशा बदलियो ।
बहावको तीव्रताले नदीको बाटो नै अर्कै बन्यो, जसले गर्दा नदी आफ्नो पुरानो ठाउँबाट झन्डै हराएजस्तो भयो । समाचारअनुसार, अब यो नदी अलास्का खाडीतर्फ बग्न थालेको छ ।
समाचारमा एक जना भूवैज्ञानिकले आफूले नदी रहेको ठाउँको यात्रा गरेको बताएका छन् । उनले भनेका छन्, ‘स्लिम्स एकप्रकारले सुकेजस्तै भएको छ । यस्तो ठूलो परिवर्तन आउन निकै लामो समय लाग्छ । विश्वव्यापी ऊष्मीकरणका कारण स्लिम्स नदी सानो धारामा परिणत भएको छ, अर्कोतिर ग्लेसियरको पानीको दिशा परिवर्तन हुनाले अलास्का नदी धेरै गुना ठूलो भएको छ । पहिले अलास्का र स्लिम्स यी दुबै नदी एउटै जस्ता थिए ।’’
