कांग्रेसको गढ मानिने वडा नम्बर १६ मा एमालेको प्यानलनै विजयी भएपछि रेणु दाहाललाई थप समस्या हुने आंकलन गरिएको छ । वडा नम्बर १६ मा एमालेका चतुरमान गुरुङको सेट विजयी भएको छ । १६ नम्बरको मत गणना सकिएसँगै मेयर पदमा १७ सय ३६ को मत अन्तर भएको छ ।
एमालेका मेयर उम्मेदवार देवी ज्ञवालीले अहिले लिड गरिरहेका छन् । ज्ञवालीले ३५ हजार पाँच सय ८८ मत ल्याएका छन् भने दाहालले ३३ हजार ८ सय ५२ मत ल्याएकी छन् । उप मेयरमा चाँहि कांग्रेसकै पार्वती शाहले अग्रता कायम गरेकी छन् । १६ नम्बर वडामा एमाले एक सय भन्दा कम मत अन्तरले विजयी भएको हो ।
मत गन्न बाँकी रहेका अरु वडामा पनि कांग्रेसकै गढ मानिन्छ । तर यसरी एमालेको सेट आउन थाल्यो भने मेयरको मत पनि घट्ने छ भने रेणु थप संकटमा पर्ने नेताहरु बताउँछन् ।
