सभापति देउवाले राजदुत नियुक्तिको विषयमा पुनर्विचार गर्न नसकिने स्पष्ट पारेका छन् । यसबारे केन्द्रीय समिति बैठकमा छलफल पनि हुन नसक्ने उनको भनाई थियो । देउवाले राजदुत नियुक्तिको विषय पार्टी भित्र कहिल्यै छलफल नभएको र अब पनि हुनै नसक्ने जिकीर गरे । पौडेल पक्षले राजदुत नियुक्तिको विषय सच्याउनु पर्ने माग गर्दै केन्द्रिय कार्य समितिको बैठक बोलाउन सभापति देउवासँग हिजो लिखित रुपमा माग गरेको थियो ।
संविधान संसोधनमा एमाले पनि सहमत हुने देउवाको दावी
नेपाली कांग्रेसले संविधान संसोधनमा नेकपा एमाले पनि सहमत हुने दावी गरेको छ । एमालेले संविधान संसोधनको औचित्व नभएको भन्दै संसोधनमा समर्थन गर्न नसकिने बताइरहेका बेला कांग्रेसले एमाले पनि सहमतिमा आउने दावी गरेको हो । त्यसका लागि संशोधन विधेयक पारित गराउन कांग्रेसले पहल गर्ने बताएको छ ।
तराई मधेसबाट प्रतिनिधित्व गर्ने पार्टीका सांसदसँग संसदीय दलको कार्यालय सिंहदरवारमा भएको छलफलमा कांग्रेस सभापति शेरबहादुर देउवाले विधेयक पारित गराउन पहल गर्ने बताएका हुन् । देउवाले पार्टीले संविधान संशोधन विधेयकका पक्षमा गरेको निर्णयमा कुनै हेरफेर वा परिवर्तन नगर्ने पनि स्पष्ट पारे ।
देउवाले पार्टीको आधिकारिक निर्णयलाई आत्मसाथ गर्दै व्यक्तिगत हल्लाका पछि नलाग्न पनि आग्रह गरेका छन् । बैठकमा मधेसबाट प्रतिनिधित्व गर्ने कांग्रेसका सांसदले संविधान संशोधान विधेयक पारित नभए मधेशमा खुट्टा टेक्ने ठाउँ नहुने चेतावनी दिएका छन ।
