आगलागीमा परि नवलपरासीमा एकको मृत्यु

काठमाडौं, चैत ३०  । नवलपरासीको कावासोती-५ देविथान कालिका मावि नजिकै रहेको एक घरमा मंगलवार राति १० बजे आगलागी हुँदा एक जनाको मृत्यु भएको छ । मृत्यु हुने घरमुली ५० वर्षका कोशोवी कुमाल रहेको ईलाका प्रहरी कार्यालय नवलपुरले जनाएको छ ।

आगो लाग्न थालेपछि घर भित्रको सामान निकाल्न लाग्दा आगोले जलेर उनी गम्भीर घाइते भएकोमा उपचारका लागि काठमाडौं लैजाँदै गर्दा बाटैमा मृत्यु भएको प्रहरीले जनाएको छ । आगलागीबाट घर पूर्ण रुपमा नष्ट भएको छ । अन्नपात र लताकपडा जलेको छ । करेन्ट सट भएर आगलागी भएको प्रहरीले जनाएको छ ।

आगो दमकल, स्थानीय र प्रहरीको सहायतामा करीब १ घण्टापछि नियन्त्रणमा लिइएको थियो ।