शुल्क अनुगमन समितिले ३ महिनाअघि काठमाडौंका आधारभूत र माध्यामिक तहका विद्यालयलाई ४ श्रेणीमा वर्गीकरण गरी शुल्क सीमा निर्धारणको सिफरिस गरेको थियो। आचार्यका अनुसार कक्षा १ देखि ५ सम्मका घ वर्गले १ हजार १ सय ८१ ग वर्गले १ हजार ५ सय ७५, ख वर्गले १ हजार ९ सय ६९ र क वर्गले बढीमा २ हजार ३ सय ६३ रुपैया लिन पाउनेछन्।
आधारभूत तहकै कक्षा ६ देखि ८ सम्मको घ वर्गले एक हजार ३ सय ५०, ग ले एक हजार ८ सय ख ले २ हजार २ सय र क वर्गले बढीमा २ हजार ७ सय रुपैयाँ लिन पाउनेछन्। माध्यामिक तह ९ र १० कक्षासम्म सुचारु विद्यालय घ वर्गले एक हजार ८ सय ३८ ग वर्गले २ हजार ४ सय ५० ख वर्गले ३ हजार ६३ र क वर्गले बढीमा ३ हजार ६ सय ७५ रुपैयाँसम्म लिन पाउनेछन्। यो शुल्क लिने विद्यालयले शिक्षकको तलब सरकारले तोकेसरह बैंकमार्फत भुक्तानी गर्नुपर्छ।
