नारायण चापागाई/

दिलमै हान्यौ तिम्ले, सकिनँ त्यो गोली छेकेर
साउने झरीझैं उर्लेको आँसुको खोली छेकेर ।
रूँदा रूँदा शरिर पनि थला परिसक्यो मेरो
भक्कानिदै अब सकेन रुने यो बोली छेकेर ।

                          ******
चन्द्रमाले लुकी–लुकी बादलुलाई छुँदा सानु
मैले तिम्लाई माया गर्दा आधी रात हुँदा सानु ।
मुखमा हेर्दै भन्थ्यौ माया छुट्छ कि खै भोली
अंगालोमा बेरी तिम्ले भक्कानिदै रूँदा सानु !
                   
                                 ******
हाम्रो माया लैजानु, दिदीलाई बेस हुन्छ
अमेरीकामा’ नि हजुरको नेपाली भेष हुन्छ ।
तपाई सारा दुनियाँ, घुमिहिडेँ पनि दिदी
तपाईका लागि प्यारो नेपाल देश हुन्छ ।