दाङ, जेठ १२ । नेकपा एमालेले दाङका दुई उपमहानगरपालिकाका लागि उम्मेदवार चयन गरेको छ । लामो समयको पर्खाईपछि एमालेले घोराही उपमहानगरपालिकाको मेयरका लागि नरुलाल चौधरी र तुलसीपुर उपमहानगरपालिकाको घनश्याम पाण्डेलाई अगाडि सारेको हो ।
नेकपा एमालेको शुक्रबार बसेको स्थायी समितिको बैठकले दाङको घोराही र तुलसीपुर उपमहानगरपालिकाको उम्मेदवारका रुपमा चौधरी र पाण्डेको नाम टुंगो लगाएको हो । देशको अन्य क्षेत्रहरुमा जस्तै एमालेको लहर रहेको दाङका दुई उपमहानगरपालिकाको मेयरको उम्मेदवार को हुने भन्नेमा चर्चा रहदै आएको छ । घोराही उपमहानगरपालिकाको उपमयरका लागि सीता न्यौपाने र तुलसीपुर उपमहानगरपालिकाको उपमेयरका लागि माया आचार्यको नाम तय भएको छ ।
