तपाईले सोच्नुभयो होला, आधुनिक समयमा इलेक्ट्रोनिक तर उस्तै देखिने सिंह बजारमा पाइन्छ त्यसमै चढेर बेहुला बेहुली लिन पुगे भन्ने सोच्नु भयो होला । तर, बेहुला भने असली जंगलको राजा सिंहमा सवार भएर बेहुलीको घरमा पुगेका हुन् । यो घटना नेपालमा भने भएको होइन । पाकिस्तानको एक विवाह समहारोहको यो तस्वीर र भिडियो केही समय पहिला भाइरल भएको थियो । जसमा बेहुला सिंहमाथि सवार भएर बेहुलीको घरमा गएका थिए ।
सक्कली सिंहमा चढेरै बेहुली लिन जाने आँट बेहुलाले कसरी गरे त ? यस्तो आँट गर्नुको प्रमुख कारण चाहीँ के थियो भने त्यो सिंह पिँजडाभित्र थियो र आक्रमण गर्न सक्दैनथ्यो । पाकिस्तानको मुुल्तानमा खिचिएको उक्त बिहेको भिडियो हालैका दिनहरुमा खुबै चर्चित बनेको छ ।
शेह इरफान नामका ती युवकको इच्छा शेरमा चढेर बिहे गर्ने थियो । उनका धनाढ्य बाउ शेख हस्मतले छोराको इच्छा पूरा गर्न कुनै कसर बाँकी राखेनन् । उनले चिडियाघरबाट सिंह मगाएर त्यसलाई पिँजडामा राखे । उक्त पिँजडालाई गाडीमा राखियो र पिँजडामाथि बेहुुला बसे ।
