सोही मिनी ट्रकमा आगजनी गरेको अभियोगमा विप्लव माओवादीको युवा संगठन दाङका जिल्ला कमिटी सदस्य अजुर्न शाहीलाई पक्राउ गरिएको ईप्रका तुलसीपुरका प्रमुख डीएसपी लोकनाथ तिम्सिनाले जानकारी दिनुभयो । शनिबार शाहीलाई नयाँपार्कस्थित उनकै घरबाट ईप्रका तुलसीपुरबाट सादा पोशाकमा खटिएको प्रहरी टोलीले नियन्त्रणमा लिएको हो ।
त्यसैगरी दाङ देउखुरी जिल्ला अदालतमा ज्यान मार्ने उद्योगमा मुद्दा चलेका फरार अभियुक्तलाई रुकुममा प्रहरीले पक्राउ गरेको छ । डीएसपी तिम्सिनाका अनुसार तुलसीपुरमा गुन्डागर्दी गर्ने असिमसिंह ठकुरीलाई रुकुममा प्रहरीले पक्राउ गरेको हो । तुलसीपुरमा दुईजना व्यक्तिलाई खुकुरी रड प्रहारगरी फरार भएका शाही रुकुमबाट पक्राउ परेका हुन् ।
