दाङ, बैशाख २ । बहुजाति बहुभाषीहरुको संरक्षण हुन सकेमात्र नेपाली नेपाली बीच सद्भाव कायम हुनसक्ने दाङको हेमन्तापुरमा आयोजित कार्यक्रमका वक्ताहरुले बताएका छन् । उनीहरुले संस्कृति र परम्पराको संरक्षणका लागि आआफ्नै समुदायबाट लाग्नुपर्ने उनीहरुको सुझाव छ ।
खप्तडी बस्नेत बंशावली अनुसन्धान तथा उत्थान केन्द्रीय कार्यालय हेमन्तापुर दाङमा शनिबार आयोजित स्वागत तथा सम्मान कार्यक्रमका वक्ताहरुले ईतिहासका पानाहरुमा खप्तडी बस्नेतहरुले देशका लागि पुर्याएको योगदानको चर्चा समेत गरेका थिए ।
नेपाल निर्माणदेखि पछिल्ला दिनमा पनि खप्तडी बस्नेतहरुले पुर्याउँदै आएको योगदानलाई उच्च मूल्याकंन गर्दै अझै पनि नेपाली नेपाली बीचको सद्भाव कायम गर्न आआफ्नो क्षेत्रबाट लाग्नुपर्नेमा जोड दिएका छन् । समितिका अध्यक्ष डिल्लीबहादुर बस्नेतको अध्यक्षतामा आयोजीत कार्यक्रममा बंशावली निर्माण समितिका तेजबहादुर बस्नेत, राप्रपाका जिल्ला अध्यक्ष क्षेत्रबहादुर बस्नेत, ज्वालामाई गण भालुवाङका सशस्त्र प्रहरी निरिक्षक लालबहादुर बस्नेत, नेपाल शिक्षक संघका अध्यक्ष युवराज बस्नेत, यातायात व्यवसायी ज्ञानबहादुर बस्नेत, व्यवसायी सन्तोष बस्नेत, पत्रकारहरु सुशील बस्नेत, लक्ष्मण बस्नेत र राकेश बस्नेत, स्नेहा बस्नेत, प्रकास बस्नेतलगायतले बोल्नुभएको थियो ।
उक्त अवसरमा एसएलसी परीक्षा २०७२ सालमा खप्तडी बस्नेत परिवारको तर्फबाट उत्कृष्ट अंक प्राप्त गर्ने तुलसीपुरकी स्नेहा बस्नेत र मानपुरका प्रकाश बस्नेतलाई पुरस्कृत गरिएको थियो । सोही अवसरमा विभिन्न पार्टी, संघसंस्थामा निर्वाचित व्यक्तिहरुलाई सम्मान गरिएको थियो । सम्मानित हुनेमा राप्रपाका जिल्ला अध्यक्ष क्षेत्रबहादुर बस्नेत, नेपाल शिक्षक संघका जिल्ला अध्यक्ष युवराज बस्नेत, नेपाल भारत मैत्री संघका केन्द्रीय सदस्य ज्ञानबहादुर बस्नेत, नेपाल पत्रकार महासंघका विभिन्न पदमा निर्वाचित सुशील बस्नेत, लक्ष्मण बस्नेत र राकेश बस्नेत, जापानमा व्यवसाय सञ्चालन गर्दै आएका सन्तोष बस्नेतलाई सम्मान गरिएको थियो । त्यस्तै ज्वालामाई गण भालुवाङमा कार्यरत सशस्त्र प्रहरी निरिक्षक लालबहादुर बस्नेतलाई स्वागत गरिएको थियो ।
कार्यक्रमको सहजीकरण सचिव दलबहादुर बस्नेत र सहसचिव ओमप्रकास बस्नेतले गर्नुभएको थियो, भने स्वागत मन्तव्य उपाध्यक्ष प्रेमबहादुर बस्नेतले गर्नुभएको थियो ।
