झिमरुक गाउँपालिकाको मच्छी ढाँड–तुषारा जोड्ने एक सय दुई मिटर लामो पक्की पुल ४ करोड २ लाख ७८ हजार १ सय २ रुपैयामा सम्झौता भई काम अघि बढेको छ । निलगिरी÷आँशु जेभीले ०७४ असोज २६ गते निर्माण सम्पन्न गर्ने गरी सम्झौता गरेको जिल्ला प्राविधिक कार्यालय प्यूठानका इञ्जिनियर चन्द्र शाहले बताउनुभयो ।
झिमरुक गाउँपालिकाअन्तर्गत गर्तङ खोलामा बांगेमरोट–सौतामारे जोड्ने २० दशमलव ६५ मिटर लम्वाई रहेको पुल निर्माण कार्य अघि बढेको छ । जयबुद्ध÷निशान जेभीले १ करोड ५० लाख ७३ हजार १ सय ९८ रुपैयामा ०७५ बैशाख १४ गते निर्माण सम्पन्न गर्ने गरी सम्झौता भएको कार्यालयका इञ्जिनियर शाहले बताउनुभयो ।
त्यसैगरी स्थानीय सडक पुल तथा सामुदायिक पहुँच सुधार कार्यक्रमअन्तर्गत गतवर्ष बाढीले क्षति पु¥याएका पक्की पुल मर्मतको काम समेत अघि बढको जिल्ला प्राविधिक कार्यालय प्यूठानले जनाएको छ । चुकाह पुलका लागि २० लाख र विजुवारको पुलका लागि १५ लाख रुपैया बजेट प्राप्त भएको इञ्जिनियर शाहले बताउनुभयो । चुकाहमा उपभोक्ता समितिमार्फत् र विजुवारमा ठेक्कामार्फत् काम भइरहेको उहाँले जानकारी दिनुभयो ।
