काठमाडौं, जेठ १३ । सोलुखुम्बुको लुक्ला विमानस्थलमा गोमा एयरको विमान दुर्घटना भएको छ। विमान लुक्ला विमानस्थलको रनवेबाट केही बाहिर गई दुर्घटना भएको प्रहरी निरीक्षक प्रधुम्न अधिकारीले जानकारी दिए। गोमा एअरको सेरिजको कल साइन भएको विमान ल्यान्डिङका क्रममा दुर्घटनामा परेको हो ।

अधिकारीका अनुसार एअर होस्टेसलाई उद्दार गरी उपचारका लागि अस्पताल लगिएको छ भने क्याप्टेनसहित दुईजनाको उद्दार भैरहेको छ। विमानमा अन्य यात्रु नभएको अधिकारीले बताए।  गोमा एअरको कार्गो विमान मौसम खराबीका कारण दुर्घटना भएको अनुमान गरिएको छ।