दाङ, जेठ १२ । नेकपा एमालेका उम्मेदवारमाथि दाङको घोराहीमा गोली प्रहरा गरिएको छ । घोराही उपमहानगरपालिका वडानम्वर ५ का एमालेका वडाध्यक्षका उम्मेदवार विवेक बुढाथोकीमाथि हिजो गोली प्रहार भएको हो ।

घोराही–५ मा गोली प्रहार गरिएको र भाग्दै होटेलभित्र पसेका बुढाथोकी माथि रड प्रहार गरिएको एमाले दाङले जनाएको छ । एमाले घोराही उपमहानगरपालिकाका ईञ्चार्ज विवेक श्रेष्ठले नेपाली कांग्रेस निकट नेविसंघका कार्यकर्ताहरुले उम्मेदवार बुढाथोकीमाथि आक्रमण गरेको भन्दै आक्रमणबाट बुढाथोकीको खुट्टा भाँचिएको बताउनुभयो । ईञ्चार्ज श्रेष्ठका अनुसार घाइते बुढाथोकीको नेपालगञ्ज मेडिकल कलेज कोहोलपुरमा उपचार भइरहेको छ ।