पोखरा, जेठ १२ । पोखरा महानगरपालिकाको मेयरम निर्वाचित मानबहादुर जीसी र उपमेयरम निर्वाचित मञ्जु गुरुङ । पोखरा महानगरपालिकाको मेयरमा एमालेका मानबहादुर जिसी र उपमेयरमा एमालेकै मन्जुदेवी गुरुङ निर्वाचित भएका छन् ।

मेयरमा जिसीले कांग्रेस उमेदवार राजमी कुँवरभन्दा १४ हजार ७ मत बढी प्राप्त गरी निर्वाचित भए भने उपमेयरमा मन्जुले १२ हजार मत अन्तरमा कांग्रेस उमेदवार सरस्वती गुरुङलाई पराजित गरिन् ।
नतिजाको अन्तिम परिणाम अनुासर जिसीले ६०,४२३ मत प्राप्त गरे, उनका निकटतम प्रतिद्वन्द्वी कुँवरले ४६,४१६ मत पाए ।

उपमेयरमा एमालेका मन्जुले ५६ हजार ४४८ मत पाएकी छन् भने काग्रेस उमेदवार सरस्वतीले ४४ हजार ३३८ मत पाइन् । पोखरा महानगरमा कांग्रेस र माओवादीले गठबन्धन गरे पनि एमाले उमेदवारलाई हराउन सकेनन् । ३३ वटा वडा रहेको पोखरामा २२ वटा वडामा एमालेले वडाध्यक्ष जितेको छ भने ११ वटा वडामा कांग्रेसले वडाध्यक्ष जितेको छ ।

चुनावी परिणाम आएपछि मेयरमा निर्वाचित जिसीले जनताको माया खेर जान नदिने प्रतिक्रिया दिए । उनले निर्वाचनअघि आफूले गरेको वाचा पुरा गर्ने प्रतिवद्धता गरेका छन् ।

वडाअध्यक्षमा को कहँबाट:
१, बगर– शारदा पराजुली, एमाले
२, भैरबटोल– रामेश्वर मल्ल, कांग्रेस
३, तेर्सापट्टी नदीपुर– रविन्द्रबहादुर प्रजु, कांग्रेस
४, गणेशटोल– शंकरप्रसाद बास्तोला, कांग्रेस
५, मालेपाटन– धनबहादुर नेपाली, एमाले
६, बैदाम– जगत पहारी, कांग्रेस
७, मासवार– रामचन्द्र बराल, एमाले
८, सिमलचौर– रुद्रनाथ बराल, एमाले
९, नयाँबजार– महेन्द्रपुल रामराज लामिछाने, कांग्रेस
१०, रामबजार– औद्योगिक क्षेत्र राजकुमार गुरुङ, कांग्रेस
११, रानीपौवा– फुलबारी, काहुँ मोहन बास्तोला, कांग्रेस
१२, माटेपानी– रामजी कार्की, कांग्रेस
१३, बाँझापाटन– अर्वा, काहुँखोला लेखबहादुर तामाङ (दर्शन लामा), एमाले
१५, काजीपोखरी– नयाँगाउँ प्रकाश पौडेल, एमाले
१६, बाटुलेचौर– अर्मला जिवनप्रसाद आचार्य, एमाले
१७, विरौटा– छोरेपाटन तिर्थराज अधिकारी, एमाले
१८, सराङकोट रणबहादुर थापा, एमाले
१९, पुरनचौर– लामाचौर शोभामोहन पौडेल, एमाले
२०, भलाम– मौजा सीम गुरुङ, एमाले
२१, निर्मलपोखरी– कृष्ती खगराज आचार्य, एमाले
२२, पुम्दी भुम्दी– मित्रलाल बराल एमाले,
२३, भदौरे चापाकोट– विष्णुप्रसाद पराजुली, कांग्रेस
२४, कास्कीकोट– ओमप्रसाद सुवेदी, एमाले
२५, हेम्जा– शोभाकर तिमिल्स्निा, एमाले
२६, राखी बुढीबजार सिलिङ्गे – नारायण बराल, एमाले
२७, अर्घौ तालचोक– पूर्णकुमार गुरुङ, कांग्रेस
२८, कालिका माझठाना– निर्मल दियाली सुनार, एमाले
२९, भण्डारडिक सैनिक– चेतबहादुर गुरुङ, एमाले
३०, सिशुवा खुदी– श्रीराम पोखरेल, एमाले
३१, लामास्वाँरा बेगनास खोलाबेसी– कमल थापा, एमाले
३२, राजाको चौतारा ढोडबेसी– अकलबहादुर कार्की, कांग्रेस
३३, भरतपोखरी– शिव आचार्य, एमाले