चितुवाको छाला सहित दुईजना पक्राउ

दाङ, चैत २४ । नेपाल प्रहरीको मध्यपश्चिम क्षेत्रीय अनुसन्धान ब्यूरोले बाँकेको कोहोलपुरबाट चितुवाको छाला सहित दुई जनालाई पक्राऊ गरेको छ  ।

बिशेष सूचनाका आधारमा कोहोलपुरको एक होटेलबाट सुवानाउली ७ का प्रेमबहादुर रावत र सोही गाविसकै वडा नम्बर ८ का जसे थापालाई चितुवाको छाला सहित पक्राऊ गरिएको ब्यूरो प्रमुख प्रहरी प्रमुख अरुण सिंहले जानकारी दिनुभएको छ । उहाँका अनुसार पक्राऊ परेकाहरुलाई इलाका प्रहरी कार्यालय कोहोलपुरमा बुझाइएको छ ।